Seanca plenare në Kuvend ka vazhduar me debate teksa Kreu i SPAK, Altin Dumani, po i përgjigjet pyetjeve të deputetëve.
Mes debateve, kryesisht me deputetë të opozitës, mnistri i Brendshëm, Taulant Balla i ka kërkuar drejtueses së seancës, Ermonela Felajt që të respektojë nenin 103 të rregullores së Kuvendit, e cila përcakton vijimit e debatit të sotëm.
Ai shtoi se seanca është e disbalancuar, pasi mazhoraca ka shkuar për të bërë diskutime dhe jo vetëm pyetje.
“Neni 103 i rregullores së Kuvendit e ka përcaktuar vijimin e këtij debati. Që nga nisja e seancës e deri më tani nga ana juaj ka një anashkalim të këtij neni. Zonja drejtuese e seancës ne jemi mbledhur këtu dhe mezi po presim të hyjmë në debat mbi raportin e këtyre institucioneve.
Është qesharake ajo që po ndodh, kur pjesa më e madhe e pyetjeve nuk kanë të bëjnë fare për atë që jemi mbledhur. Zonja drejtuese e seancës do t’ju kërkoja që t’i referohemi saktësisht nenit.
Ka mundësi të ketë një pyetje për raportin? Dhe e dyta, nuk mund të jetë kështu e disbalancuar kjo seancë, ju bëni pyetje, ndërkohë që ne kemi ardhur për të bërë diskutime.
Një zotëri ka konflikt interesi të bëjë pyetje këtu, zotëria atje në fund”, tha Balla.
