Kryeministri Edi Rama ka reaguar për raportin e “Reporterët pa Kufij” për lirinë e medias në vendin tonë.
Në një postimi në rrjetin social “X”, Rama shprehet se çështja e lirisë së informacionit është një nga më të rëndësishme dhe falenderon “Reporterët pa Kufij” për raportin, që sipas tij është depërtues.
Ai shton se Qeveria shqiptare është e gatshme të marrë të gjitha përgjegjësitë e nevojshme për të ndihmuar në përballje e kësaj tendence.
“Çështja e lirisë së informacionit është një nga më të rëndësishmet sot dhe dua të falënderoj Reporterët pa Kufij për raportin e tyre depërtues. Ne do ta analizojmë atë me kujdes, do të konsultohemi me të gjitha palët përkatëse dhe do të ndërmarrim veprime të mëtejshme për të përmirësuar mjedisin mediatik, për të mbrojtur lirinë e informacionit, për të luftuar dezinformimin dhe për të forcuar të drejtat e gazetarëve. Ne jemi shumë të shqetësuar nga gjetja kryesore e raportit: se liria e medias është nën kërcënim globalisht. Qeveria shqiptare është e gatshme të marrë të gjitha përgjegjësitë e nevojshme për të ndihmuar në përballjen e kësaj tendence”,-shkruan Rama./Opinion.al
