Fondacioni i ish-Kryeministrit britanik Tony Blair ka dalë në disa konkluzione aspak optimiste për të ardhmen e luftës kundër terrorizmit.
Raporti me titull “Nëse bie kështjella: Ideologjia dhe objektivat e rebelimit sirian” thotë se mposhtja e shtetit islamik nuk do të shënojë fundin e terrorizmit.
Kjo sepse janë rreth 15 grupime militantësh xhihadistë që janë të gatshëm të zëvendësojnë ISIS-in.
Sipas raportit, reth 100 mijë luftëtarë nëpër fraksionet rebele në Siri ndjekin të njëjtën ideologji fetare dhe politike.
Autorët e raportit theksojnë se aktualisht në Siri gjenden grumbullimet më të mëdha të grupeve xhihadiste në kohët moderne.
