Disa të dhëna të publikuara së fundi, nxjerrin në dritë se kush është fusha që punëson më shumë njerëz në Shqipëri. Sipas të dhënave të WTTC, Shqipëria ka një numër të lartë të punësuarish në turizëm, dhe kjo e rendit atë si vendin e tretë në botë që siguron punësim të lartë në këtë sektor.
Sipas të dhënave të raportit të publikuar nga World Travel and Tourism Council, WTTC, 24 për qind e vendeve të punës, ose një në 4 persona, janë të punësuar në turizmit.
“Për 50 vjet e mbyllur nga bota, Shqipëria ende nuk mund të quhet destinacion i profilit të lartë turistik, por turistët tërhiqen nga produktet karakteristike të panjohura, kryesisht në rivierën shqiptare dhe Alpet e Shqipërisë”, thotë WTTC.
Po ashtu sipas tij, sipërmarrja në këtë sektor është duke lulëzuar dhe kjo do të thotë që autenticiteti është pika më e fortë e turizmit shqiptar.
Të punësuarit janë kryesisht kuzhinierë, staf hoteli, udhërrëfyes, ekuipazh krocerash, por dhe ekonomistë, grafistë, inxhinerë për kompanitë turistike, e deri te shërbimet e lavanterisë, prodhuesit e ushqimit, etj.
