Kryeministri i Kosovës, Ramush Haradinaj, foli për Albert Veliun, i njohur si ‘Babale’, i cili ndodhet në Kosovë, ku dhe ka kërkuar azil. Haradinaj u shpreh se nuk e njeh mirë dhe nuk e ka ndjekur si çështje.
“Nuk e kam ndjekur shumë temën në fjalë. Ne bëjmë kujdes kur bie fjala tek ndarja e pushteteve. Pushtetet tona janë bukur të ndara,” tha Haradinaj, duke theksuar se kjo çështje mund të diskutohet kur një vendim i mundshëm për ekstradimin e Babales të vijë tek Ministria e Drejtësisë.
“Deportimi i gylenistëve ka qenë një mësim për të respektuar të gjitha procedurat ligjore të Kosovës kur bie fjala tek ekstradimet,” tha ai.
Ndërsa ishte në UET, Haradinaj kishte një këshillë edhe për shërbimet e inteligjencës në Kosovë dhe Shqipëri.
“Duhet të merren me fushatën kundër ardhjes së kosovarëve në Shqipëri,” tha ai.
Sipas tij, kjo është diçka e orkestruar, me qëllim pengimin e ardhjes së kosovarëve në Shqipëri./Opinion.al
