Kryetari i Partisë Demokratike, Sali Berisha u mirëprit ditën e sotme në një takim në qytetin e Napolit nga Kryetari i Komunës, Antonio Trombetta, Nënkryetari Pasquale Salzillo, Këshilltari Domenico Moriello në biznesin e afaristit shqiptar, Kujtim Potja.
Në shenjë simbolike të këtij takimi, Potja i dhuroi Berishaës dorezën e kampionit botëror të boksit me mbishkrimin e tij.
Po ashtu, Potja i dha Berishës edhe një shampanjë me premtimin se do ta hapë në fitoren e 11 majit.
“Një super dhuratë nga biznesmeni shqiptar në Napoli, Kujtim Potja!
Doreza e boksierit Domenico Valentino, Kampion Bote që ai ka sponsorizuar dhe pas marrjes së titullit i dhuroi Kujtimit dorezën e majtë me të cilën arriti fitoren dhe shishen e shampanjës.
Simbol i fitores së 11 majt!”, shkruan Berisha.
Krahas tij, dhurata janë dhënë edhe për kryeministrin Edi Rama gjatë takimeve të tij të zhvilluara në Vlorë ditën e sotme.
Vlonjatët i kanë dhuruar Ramës një buf, në postimin e të cilit ai shkruan:
“Kujt s’ia gjetën vlonjatët
Faleminderit për dhuratën”.
