Kryeministri, Edi Rama, po mban një konferencë për mediat, këtë të mërkurë, ku po flet lidhur me kërkimet për nxjerrjen e naftës në Shpirag.
Kreu i qeverisë thotë se nafta e zbuluar është e cilësisë më të lartë, hera e parë që kjo ndodh në vendin tonë.
Më tej ai thekson se sipas analizave të bëra në Holandë është naftë e së njëjtës cilësi me naftën premuim të Arabisë Saudite.
“Testi do të fillojë në tetor. Po përgatitet njëkohësisht edhe plani i investimit. Gjithë ajo rezervë për tu nxjerrë sipër duhet të hyjë në infrastrukturën përkatëse, për ta trasportuar dhe për ta nxjerrë në tregun vendas dhe të huaj. Nafta e zbuluar është e cilësisë më të lartë, është hera e parë që kjo ndodh në vendin tonë. Burimet e naftës që është zbuluar më parë janë burime të një nafte të rëndë që përdoret për bitum apo solar, por nuk është një naftë që mund të hyjë në konsumin e automjeteve. Sipas analizave të bëra në laboratorin e Holandës, nafta e zbuluar në Shpirag është një naftë e të njëjtës cilësi me naftën premium të Arabisë Saudite. Investimi i parashikuar është 3 miliardë euro dhe projeksioni është që deri në përfundim të të gjithë infrastrukturës së nevojshme, është 7 miliardë euro”, tha Rama./Opinion.al
