Kryeministri Edi Rama është shprehur sot se Aeroporti i Kukësit do t’i japë një zhvillim fantastik të gjithë zonës. Sipas kreut të qeverisë ky aeroport është një mundësi edhe për vendet e tjera të rajonit.
Rama gjithashtu bëri me dije se ky aeroport do të mundësojë fluturime në Gjermani, Austri dhe Zvicër me kosto 19 €.
“Pas një periudhe të rëndësishme diskutimesh analizash dhe testimesh. Nga sot kompania është e vendosur dhe në Kukës, fillon me prenotimet me 4 destinacionet e para, me 2 herë në javë. Nga maji do të jenë destinacione të vijueshme, ndërkohë që kemi diskutuar dhe nga Kukësi në Londër e nga Londra në Kukës, me tarifa krejtësisht simbolike. Është dita për t’ju thënë të gjithë atyre që nuk kanë asnjë kapacitet durimi se kjo punë dhe të gjitha kërkojnë durim, shumë gjëra keni dëgjuar, pastaj pasi e hapëm me siguri do të dëgjojmë. Unë jam shumë besim plotë se ky aeroport do të ketë të ardhme fantastike. Në fillim ishin skeptikë. Sot është ditë e bukur, me diell dhe me dëborë, në majat përreth. Unë jam i kënaqur që sot ne jemi këtu për ti dhënë një mundësi të re të gjithë banorëve jo vetëm të Kukësit por dhe të tjerëve, në Kosovë, Maqedoninë e Veriut duke iu hapur 4 destiancione, Austri, në Gjermani dhe në… tjetër ku është Zvicër… me 19 euro për secilin destinacion”, tha Rama.
Ndër të tjera, Rama u shpreh se edhe në Aeroportin e Tiranës do të ketë investime masive, ndërsa paralelisht po investohet edhe për Vlorën dhe Sarandën.
“Investimet në Aeroportin e Tiranës do jenë masive. Paralelisht me Tiranën po investojmë në Vlorë. Do të fillojmë të investojmë dhe në Sarandë. Dhe me 4 destinacionet e para të përjavshme, 2 herë në jave, fillon një epokë e re për aeroportin e Kukësit dhe gjithë këtë zonë. Unë nuk do i ndahem deri kur të bëhet realitet parashikimi i studimit për qindra mijëra pasagjerë që do të hyjnë dhe dalin nga aeroporti i Kukësit. Do të jetë e afërt dita kur të shohim që aeroporti i Kukësit do të jetë një pikë referimi jo vetëm për banorët e Kukësit, Kosovës, apo pjesës së sipërme të Maqedonisë së Veriut, por më tepër se kaq, pasi oferta e Kukësit do të jetë një ofertë fituese dhe konkurruese”, deklaroi Rama./Opinion.al
