Kryeministri Edi Rama ka dhënë shpjegime të reja për 3 ditët që do të zbatohen masat ekstreme për të parandaluar përhapjen e koronavirusit.
Rama u ndal tek masa për ndalimin e aktiviteteve të fasoneve dhe Call Centerave, duke thënë se shteti nuk do u japi asnjë lek për pezullimin e punës.
“Po ju shpjegoj se nesër edhe fasonët dhe call center do ta kenë të ndaluar të qarkullojnë punonjësit e tyre. Faktikisht nesër duhet të jenë të mbyllur. Nga fillimi i javës së ardhshme do të fillojnë inspektimet për sigurinë dhe nëse standardet, që janë të thjeshta nuk do të garantohen do të marrim masa drastike, që do të bien në shpatullat e pronarëve, duhet ta harrojnë që mund të kërkojnë nga shteti para për shkak të mbylljes se nuk është mbyllje që vjen si rezultat i kërkesës së shtetit në kohë të zakonshme, por që mund të vijë si rezultat i moszbatimit të rregullave të këtij momenti dhe mos vënies në jetë të këshillave. Është pa përgjegjshmëri që nuk mund të shpërblehet, por do të ndëshkohet” ,-tha Rama./ Opinion.al
