Kryeministri Edi Rama ka postuar këtë të premte një video nga aeroporti i Vlorës. Ai shkruan se në fund të këtij viti pista do të jetë gati për t’u futur në testet e certifikimeve europiane.
Më tej, Rama shkruan se aeroporti do të presë verën e ardhshme pasagjerët e parë.
“Mirëmëngjesi dhe me fluturimin e legjendarit Alket Islami mbi pistën e aeroportit ndërkombëtar të Vlorës, e cila do të jetë gati në fund të vitit, për t’u futur në testet e certifikimeve europiane dhe për të pritur pasagjerët e parë verën e ardhshme, ju uroj një ditë të bukur”, shkruan Rama.
