Teksa kërkon vota për zgjedhjet e 11 majit, kryetari i PS, Edi Rama thotë se rrogat, pensionet dhe anëtarësimi i Shqipërisë do të realizohen në vitin 2030, nëse PS arrin të marrë mandatin e pestë në zgjedhjet e 2029.
Gjatë fjalës së tij në takimin në Vlorë me gra dhe vajza, Rama thotë se PS punon për interesin e qytetarëve dhe se nga ana tjetër. PD ka në krye një 80-vjeçar, duke iu referuar Sali Berishës, që sipas tij, kërkon të marrë zvarrë Shqipërinë.
“11 Maji është një zgjedhje e të mirës së përbashkët pa dallim. Bëhet fjalë për mundësinë e madhe që na është dhënë ne. Fati na e ka sjellë që me një votë të bëjmë jo vetëm një zgjedhje, por një investim historik. Në krahasim me interesin e në grushti të vogël njerëzish. Një 80 –vjeçar vjen vërdalle flet përçart dhe kërkon të marrë zvarrë Shqipërinë. Në Shumë gjëra që thuhen, ajo çfarë shikoni këtu në këtë sallë, nuk janë gra dhe vajza vetëm për të duartrokitur, por trupa që udhëheq betejën tonë. Kjo nuk i përjashton aspak burrat dhe djemtë, por ky është prioriteti ynë. Vetëm me gratë e pararojës mbushim një sallë si kjo. Bëjnë sondazhe dhe në të gjitha sondazhet del që ne jemi në krye dhe shumica del që do të na votojnë”, tha Rama.
