Kryeministri Edi Rama ndodhej ditën e sotme në qytetin e Cërrikut, në kuadër të fushatës së zgjedhjeve lokale.
Rama premtoi se pasi socialistët të marrin pushtetin në Cërrik do të nisin investimet për këtë qytet.
Ai thumbi dhe opozitën, duke u shprehur se nuk futen në zgjedhje pasi kanë frikë nga humbja dhe nuk kanë ide për zhvillim.
Rama përsëriti dhe njëherë thirrjen se kushdo që do të pengojë zgjedhjet nuk do të futen në vendet e BE as në SHBA.
Por, teksa ndodhemi vetëm një ditë pas publikimit të përgjimeve nga gazeta gjermane “Bild”, ku përfshiheshin zyrtarë të PS së Durrësit dhe Shijakut duke komunikuar me Astrit Avdylaj,, Rama nuk ka bërë asnjë koment lidhur me ngjarjen duke vijuar normalisht takimet me elektoratin e Cërrikut.
Pjesë nga fjala e Ramës në Cërrik
Ata edhe sot duan ta kthejnë pas Shqipërinë. Ata kanë frikë nga zgjedhjet prandaj bërtasin në rrugë kundër zgjedhjeve. Në vend të dalin para popullit, kërcënojnë se nuk do e lënë të votojnë. Kanë frikë të ballafaqohen në rrugë demokratike. Ata nuk kanë ide, nuk dinë të logjikojnë, prandaj duan të imponojnë logjikën e kapsollave dhe molotovit. Një gjë ta kenë të sigurt: Ata janë të lirë, në të drejtën e tyre të vendosin për veten e tyre. Nuk i pengojmë të vrasin veten politikisht, por ata nuk vendosin dot për ne e për Shqipërinë. Zgjedhjet do bëhen në 30 qershor. S’mund t’i hapim rruge politikës destruktive. S’mund të lejojmë të luhet me Kushtetutën si me një top lecke. Nuk mund të bëjë askush pengmarrësin e procesit demokratik, kjo nuk është parë asgjëkund dhe nuk do shihet as këtu. Ne padyshim kemi gabimet tona, të metat tona, kemi shumë gjëra për të bërë akoma. Ne nuk jemi më të mirët e mundshëm në imagjinatë, por ama më të mirë se ne as ka pas dhe as nuk ka….Kushdo që guxon të bëj një gabim të dalë përpara për të ndalua zgjedhjet nga më i vogli të më i madhi, ata nuk do të dalin më nga Shqipëria pasi nuk do i pranojë asnjë shtet evropian. Po flas për Evropën s’po flas për Amerikën ku jo vetë po as anëtarët e familjes nuk futën më, nëse klasifikohesh si kriminel zgjedhjesh./ Opinion.al E.Xh.
