Kryeministri Edi Rama dhe ish-kryeministri Berisha, duket se do ta vazhdojnë edhe sot debatin e tyre të nxehtë, që ditën e djeshme kulmoi me akuza dhe fyerje të ndërsjellta nga foltorja e parlamentit.
Mëngjesin e sotëm, Rama ka postuar në profilin e tij në twitter një akuzë të vjetër ndaj Berishës, sipas të cilës ky i fundit kur ishte President i vendit në mesin e viteve ’90, furnizoi me karburant shqiptar tanket e Milloshevicit, në periudhën kur Serbia vuante embargon e ndërkombëtarëve.
Postimi i plotë i Ramës
“Furnizoi me naftë tanket e Kasapit të Beogradit. Bëri thirrje për të refuzuar Rambujenë.Shpalli terroristë marksistë-leninistë luftëtarët e UÇK. Ibrahim Rugova s’denjoi t’i fliste më derisa vdiq. Sot e quan Presidentin e Kosovës argat albanofob të Beogradit! Vesi del me shpirtin.”
