Kryeministri Rama ka përshëndetur marrëveshjen e nënshkruar sot mes Lëvizjes Vetëvendosje dhe Lidhjes Demokratike të Kosovës e cila i hap rrugë formimit të qeverisë së përbashkët në Kosovë.
Me anë të një statusi në Twitter, Rama i uron sukses dy partive politike dhe shton se pret me padurim që mes dy qeverive të shtrohen në tryezë çështjet e lëvizjes së lirë të qytetarëve dhe sipërmarrjes.
“Suksese VV-LDK në formimin e qeverisë së re dhe në qeverisjen e Kosovës! Uroj të kemi një bashkëpunim sa më të dobishëm për shqiptarët këtej e andej kufirit dhe pres me padurim të shtrojmë në tryezë çështjen e lëvizjes së lirë të qytetarëve e të sipërmarrjeve në kufirin tone”, shkruan Rama në Twitter.
Më herët ditën e sotme, Albin Kurti dhe Isa Mustafa deklaruan në një konferencë për mediat se të dy partitë janë dakorduar më në fund për bashkëqeverisjen midis tyre.
Lexo edhe: “Kemi nënshkruar marrëveshjen”, VV dhe LDK i japin Kosovës qeverinë e re
Qeveria e re e Kosovës pritet të votohet nesër në seancën plenare të Kuvendit. /Opinion.al
Suksese VV-LDK në formimin e qeverisë së re dhe në qeverisjen e Kosovës! Uroj të kemi një bashkëpunim sa më të dobishëm për shqiptarët këtej e andej kufirit dhe pres me padurim të shtrojmë në tryezë çështjen e lëvizjes së lirë të qytetarëve e të sipërmarrjeve në kufirin tonë????
— Edi Rama (@ediramaal) February 2, 2020
