Kryeministri Rama theksoi edhe njëherë sot se vota pro e mazhorancës për marrëveshjen e 5 qershorit është për Partinë Demokratike dhe në favor të saj.
Ai deklaroi se PS nga ky proces mund të kishte marrë më shumë duke shfrytëzuar rrethanat por nuk e ka bërë këtë gjë.
Ndër të tjera Rama tha se butonin do e shtypë sot për Lulzim Bashën.
“Investohem në këshillin politik për ta ngritur në nivelin më të lartë diskutimin. Këtu bëhet një diskutim çfarë mori njëri, çfarë mori tjetri. PS ka dhënë, nuk ka marrë. Ne mund ta merrnim kollaj besoj nga Murrizi dhe nga ju bonusin për partinë e parë, në këmbim të të dhënies përgjigje pozitive për kërkesat tuaja nëse do kishim synimin të përjashtonim ata që janë jashtë. Nuk e kërkuam. Sepse do ishte fyerje e madhe në skenën politike dhe do ishte shfrytëzim të rrethanave të këtij parlamenti. Me ligj me Kushtetuta, me procedura e kishim bërë. Ne donim depolitizimin. Kjo e sotmja është votë për PD. Unë sot do e shtyp butonin këtu për Lulzim Bashën. Deputetët e PS këtu do e shtypin butonin për ata që mungojnë.”, tha Rama. /Opinion.al
