Kryeministri Edi Rama, ditën e sotme, gjatë dëgjesës me qytetarët e Dibrës, ku kryefjalë e këtij takimi është projekti i Rrugës së Arbërit, ka premtuar se rruga do përfundojë brenda këtij mandati qeverisës.
Rama është zotuar se Rruga e Arbërit do të përfundojë brenda këtij mandati dhe Dibra do të bëhet faktikisht një lagje e madhe e Tiranës.
Ai pranoi se ishte vonuar në mandatin e parë për mbajtjen e këtij premtimi, por kryeministri tha se kjo nuk ndodhi për fajin e tij, por të projektit që ishte bërë nga qeveria e mëparshme.
