Kryeministri Edi Rama ka vazhduar të thumbojë kreun e opozitës Lulzim Basha. E ka bërë edhe këtë herë në vijim të fushatës në qarkun e Elbasanit në qytetin e Cërrikut, në një takim me simpatizantë të PS në këtë qytet. Rama tha se “PS i do votat në 25 qershor që të drejtoje timonin e qeverisjes e vetme” Ndërkohë ka qësëndisur edhe listën e kandidatëve të PD, e cila nuk është miratuar ende nga KQZ, për shkak se është dorëzuar e paplotë.
“Akoma sot s’ka bere gati te gjithe skuadren per t’a nxjerre ne fushe, por ajo qe dime sot eshte qe ia vrau te gjithe bashkepunëtoret dhe e la tek pull si fantin spathi atje ne mes” “Edhe Saliu që s’ka ardhur sot nuk e thotë dot por të jeni të sigurt që nuk e mohon dot që ne në këto 44 muaj dhamë një provë që askush tjetër nuk e dha në këtë cerekshekulli, provën për të bërë shtet, dhe për këtë ka shumë rëndësi që në 25 qershor mos lejojmë që të prekin të tjerë themelet që mezi i kemi ndërtuar me reforma të vështira, të dhimbshme.
E di mirë që ne se kemi akoma shtëpinë e përbashkët të shtetit tonë, por ama kemi ndërtuar themelet dhe në 25 qershor do vazhdojmë të ndërtojmë shtëpinë e përbashkët të shtetit evropian të shqiptarëve ose do kthehemi mbrapa.
Zgjedhjet, vota, s’janë si një ndeshje futbolli dhe s’bëhet fjalë për të bërë një skedinë, por për të marrë në punë njerëzit e duhur për të bërë punën, jo për ti gjetur punë njerëzve që s’dinë të bëjnë punën…
Kur është fjala për të zgjedhur kryeministrin ti mund të jesh me PD por si mund t’ja japësh Lulit, të bëhet kryeministër Luli?”, tha Rama.
