Ish-kreu i grupit parlamentar të Partisë Demokratike, Edi Paloka ka deklaruar se kryeministri Rama është tërhequr nga padia ndaj gazetës gjermane “Bild” e cila publikoi disa muaj më parë disa nga përgjimet e dosjes ‘339’ dhe ‘184’ ku po hetohet krimi elektoral në zgjedhjet e vitit 2017 dhe atyre lokale në Dibër.
Sipas Palokës, tërheqja e padisë fakton edhe manipulimin e zgjedhjeve për të cilën opozita akuzon Partinë Socialiste. Ish-deputeti shkruan se “përballja në gjyq do ishte dërrmuese për Ramën sepse jo vetëm do të humbiste gjyqin , jo vetëm do të rikthente dhe një herë në qendër të vëmendjes manipulimin e zgjedhjeve, por siç kishte paralajmeruar gazetari Tiede, do ti viheshin përballë dhe fakte të reja për krimet dhe skandalet e tij”.
Pasi gazeta ‘Bild’ publikoi përgjimet e dosjeve nën hetim të prokurorisë, kryeministri Rama deklaroi se kishte ngritur padi ndaj tyre. Por mbrëmjen e djeshme në një lidhje direkte në Syri Tv, gazetari Peter Tiede deklaroi se padia është tërhqur.
Reagimi i Edi Palokës
Zbythja e Rames para “Bild”-it eshte perfundimisht kapitullimi i tij publik perpara nje te vertete te njohur sot boterish; faktit se qe nga 2013, zgjedhjet ne Shqiperi blihen dhe manipulohen nga nje organizate kriminalo-politike e vetequajtur “rilindje”.
Pergjimet e kryera nga vete prokuroria shqiptare dhe te publikuara nga “Bild” , konfirmonin pa asnje dyshim se strukturat e “rilindura” te PS dhe funksionaret e tyre me te larte ne bashkepunim me krimin, kane organizuar blerjen e votave dhe manipulimin e zgjedhjeve te pakten ne dy raste, atyre lokale ne Diber dhe zgjedhjeve parlamentare te vitit 2017.
Nje e vertete e denoncuar me se nje here nga opozita, e njohur ne fakt prej shqiptareve, por e pa pranuar plotesisht nga gjithe nderkombetaret.
Pikerisht jehona dhe diskretitimi ne opinionin nderkombetar , e detyroi Ramen qe te shpallte se do e hidhte ne gjyq “Bild”-in per shpifje.
Ai ishte i bindur ne absurditetin e aktit te tij , me bindje e hodhi ate hap fals sepse si hileqar i lindur shpresonte qe me ate levizje ta mpakte fillimisht efektin e denoncimeve te “Bild”-it dhe te fitonte kohe. Te fitonte kohe me vetebesimin se aftesite e tij korruptonjese, do ta nxirrnin dhe nje here pa lagur. Por tentativat e tij per te kompromentuar gazeten apo gazetarin, jo vetem deshtuan por dhe u diskretituan me turp. Rama harroi se nuk po vepronte ne terrenin e tij , ku eshte mesuar te korruptoje nga te gjitha anet, shqiptare e jo vetem.
Ne keto kushte i mbetej qe ose te perballej ne gjyq ose te terhiqej!
Perballja ne gjyq do ishte derrmuese per Ramen sepse jo vetem do te humbiste gjyqin , jo vetem do te rikthente dhe nje here ne qender te vemendjes manipulimin e zgjedhjeve, por sic kishte paralajmeruar gazetari Tiede, do ti viheshin perballe dhe fakte te reja per krimet dhe skandalet e tij !
Ja pse hileqari u zbyth dhe zgjodhi pikerisht kohen e pandemise me shpresen se akti do te kalonte pa buje. Por sic theksova qe ne krye, zbythja e Rames nga gjyqi me “Bild”-in eshte vetem kapitullimi i tij publik perpara nje te vertete tanime te njohur e te pranuar boterisht mbi manipulimin e zgjedhjeve ne Shqiperi.
Terheqja e Rames konfirmon blerjen dhe manipulimin e votave ne Diber dhe Durres. Rama e pranoj, tani eshte rradha e gjyqesorit te coje para drejtesise pergjegjesit.
Zbardhja e shitblerjes se votave eshte kusht edhe per nisjen e bisedimeve per anetarsim. /Opinion.al
