Qeveria zhvilloi mbledhje jashtëzakonshme për situatën e krijuar pas tërmetit të 26 nëntorit, i cili la pas dhjetëra viktima, qindra të plagosur dhe dëme të shumta materiale.
Ndërkohë, kryeministri Edi Rama zbuloi se ai sot do të zhvillonte një takim me presidentin Ilir Meta. Kryeministria tha se takimi me presidentin do të bëhet për të diskutuar mundësinë për ndryshime në Kodin Penal.
“Sot do të takohem me Ilir Metën. E ka kërkuar ai vetë. Takimi do të bëhet për të shikuar mundësinë e ndryshimit të Kodit Penal”- tha Rama.
Gjithashtu kryeministri tha se të premten do të bëhet një konferencë publike ku të pranishëm do të jenë specialistët që bëjnë inspektimet në terren.
“Të premten do të bëhet një konferencë publike ku do të jenë të pranishëm specialistët. Aty mund t’i pyesni specialistët për gjendjen dhe nuk është nevoja për të përhapur panik në media”- tha kryeministri./Opinion.al
