Gjatë vizitës në Berlin, kryeministri Edi Rama është takuar edhe me Kryetaren e Partisë Socialdemokrate Andrea Nahles. Në këtë takim, Rama e njohu zonjën Nahles me reformat e ndërmarra nga qeveria shqiptare dhe pritshmërinë për një përgjigje pozitive nga vendet anëtare të BE për hapjen e negociatave.
Sipas asaj që njofton Kryeministria, Nahles siguroi Ramën për mbështetjen e pakushtëzuar të grupit socialdemokrat për hapjen e negociatave mes Shqipërisë dhe Bashkimit Europian.
Liderja e partisë Socialdemokrate, njëkohësisht dhe kryetare e grupit parlamentar, përgëzoi kryeministrin shqiptar për reformat e ndërmarra dhe u shpreh besimplotë për një vendim pozitiv në qershor.
Dje në Berlin u zhvillua samiti për Ballkanin Perëndimor, ky pjesë e tryezës ishte edhe kryeministri Edi Rama i cili zhvilloi disa takime me Kancelaren Merkel dhe Presidentin francez Macron. Sipas informacioneve nga takimi, vendimi për çeljen e negociatave do të shtyhet për në vjeshtë, pas zgjedhjeve të Parlamentit Europian./Opinion.al
