Kryeministri Edi Rama ka takuar ditën e sotme homologun e Luksemburgut, Luc Frieden.
Lajmi është bërë i ditur nga vetë kryeministri Rama, i cili përmes një postimi në rrjete sociale shkruan se kanë dakordësuar zbatimin e marrëveshjes së heqjes së tatimit të dyfishtë pas daljes së Shqipërisë nga lista gri.
Ndër të tjera ai thekson se kanë diskutuar mbi rritjen e mëtejshme të numrit të turistëve luksemburgezë në Shqipëri.
“Takim me Kryeministrin e Luksemburgut, Luc Frieden, një mbështetës i vendosur i integrimit të Shqipërisë në BE, me të cilin ndër të tjera dakordësuam zbatimin e marrëveshjes së heqjes së tatimit të dyfishtë pas daljes së Shqipërisë nga lista gri dhe folëm për rritjen e mëtejshme të numrit të turistëve luksemburgezë në Shqipëri”, ka shkruar Rama krahas fotove./Opinion.al
