Edi Rama ka marrë fjalën në seancë plenare pasi opozita i përmendi një sërë çështjesh; si rasti i baronit të drogës, Klement Balili, Shukri Xhelilin e Dibrës, përgjimin e policisë, aksidentin e Kavajës. Por edhe pas fjalës së Blushit, i cili denoncoi se e ka kërcënuar Elvis Roshi i Kavajës.
Rama e mori fjalën dhe po flet ende duke iu drejtuar Sali Berishës me Ti dhe duke e bërë përgjegjës për bllokimin e reformës në drejtësi. “Ti i mbron gjyqtarët e korruptuar”, tha Rama ndër të tjera.
Pjesë nga fjala e Ramës
Sali, atë pyetjen e vështirë kam unë: Reformën në drejtësi do ta lejosh?
Partinë Demokratike do ta lejosh të votojë reformën në drejtësi?
Mos shiko çfarë të shkruan qytetari dixhital. Më shiko në sy. Pse nuk thua asnjë fjalë për reformën në drejtësi dhe pse PD-ja nuk është në tryezë për të votuar draftin e miratuar nga Komisionin e Venecias?
Kjo është pyetje që në fakt është pyetje retorike po të shohësh se cfarë ndodh në gjykatë me malin e betonit që iu dha nga Basha për të kuptuar se pse Ti i pari personalisht je i painteresuar që gjyqtarët dhe prokurorët të mos kalojnë në skaner dhe të përgjigjen sipas normave të përcaktuar nga reforma.
Ti nuk do të hetohen gjyqtarët dhe prokurorët për vendimet, pasurinë e tyre. Sepse ke nxitur, ke mbështetur dhe mban në këmbë duke penguar reformën në drejtësi. Kanë bërë shërbime personale për ty dhe për njeërzit e tu.
Një turp i pashoq. Një gjykatë e kapur me presh në duar që refuzon të zbatojë më minimalen, të marrë në konsideratë konfliktin e interesit.
Një mal betoni në digën e Liqenit Artificial që kërcënon jo vetëm parkun por edhe jetën e një lagjeje të tërë dhe që është konsideruar i rrezikshëm nga specialistët. Kur gjykata kishte vendosur me forcë të merrte vendim, një tjetër gjykatës doli klient i kompanisë ndërtuese.
Ju që u angazhuat deri më armë për parkun e lodrave nuk bëni zë përkundrazi del kryetari kompromentar i PD (Nishani) për të mbrojtur trupën gjyqësore të korruptuar.
Doli në protestë kryetari i bashkisë dhe mirë bëri sepse anëtarë të trupit gjukues janë në konflikt interesi. Trupa më e korruptuar gjyqësore!
Rama po vazhdon fjalën në Parlament
