Kryeministri Edi Rama, në një dalje për mediat, në përfundim të mbledhjes së qeverisë, ka bërë të ditur se studentët e mjekësisë që nisin vitin akademik 2023-2024 pas përfundimit të studimeve do t’iu duhet të punojnë 5 vite që të marrin diplomën.
Rama theksoi se në kushtet kur Gjermania dhe vendet e tjera janë bërë stacion ndalës për shumë profesionistë, qeveria e ka parë të domosdoshme të ndërmarrë këtë hap.
“Shteti financon universitetin publik në këtë rast formimin e mjekëve të rinj për të mbrojtur jetën dhe për të garantuar shëndetin e të gjithë qytetarëve të vet. Nuk është njësoj si profesionet e tjera. Është një profesion i lidhur drejtpërdrejt me detyrimin çdo shtetit për tu përkujdesur për shëndetin e njerëzve. Në kushtet kur Gjermani dhe vendet e tjera të pasura janë duke ju ftuar me demografinë e tyre me plakjen e popullsisë së tyre, me nevojën për burime të freskëta që duhet të vijnë nga jashtë dhe ku janë bërë stacion ndalesës së fundit për shumë profesionistë për njerëz të kualifikuar të gjitha fushave ne e kemi të domosdoshme të ndërmarrim këtë hap që është hapi më normal dhe më i lehtë i mundshëm. Çdo student i mjekësisë do të duhet të njihet me faktin se mjekësia studimet i ka aq sa janë për të pajisur me diplomë duhen edhe 5 vite”- tha Rama./Opinion.al
