Drejtuesi politik për Tiranën në PD, Belind Këlliçi ka reaguar pas deklaratave të bëra ditën e sotme nga kryeministri Rama, lidhur me SPAK dhe reformën në drejtësi.
Përmes një postimi në rrjete sociale, Këlliçi thotë se Rama urdhëroi sot gjyqtaren e apelit të lirojë Erion Veliaj e ta hetojnë në gjendje të lirë.
Ai ka theksuar se Rama sot i nxorri sërish gishtin e mesit ‘reformës’ në drejtësi, duke kërcënuar dhe intimiduar publikisht Gjykatën e Apelit të Posaçëm, e në veçanti Prokurorin Dado dhe Gjyqtarin Bano.
Reagimi i Këlliçit:
Edi Rama sot i nxorri sërish gishtin e mesit ‘reformës’ në drejtësi, duke kërcënuar dhe intimiduar publikisht Gjykatën e Apelit të Posaçëm, e në veçanti Prokurorin Dado dhe Gjyqtarin Bano.
Në një qëndrim të paprecedentë, ai sot urdhëroi gjyqtaren e Apelit që ta lirojë zarin e tij Veliaj në mënyrë që ai të ndiqet në gjendje të lirë.
Ende nuk dihen arsyet e plota të shfazimit total të kreut të narkoshtetit, por një gjë është e sigurtë: Nga sot ai nuk fshihet më!!!
Pasi dështoi të kapte një foto me Zv. Presidentin JD Vance në Mynih, pasi tashmë është demaskuar publikisht si kukulla e Sorosit, pasi vetë Alex Soros e trajtoi si leckë duke rikthyer online fotot të cilat Rama i ka fshirë nga çdo rrjet, ai tashmë i është rikthyer personazhit të tij të preferuar, Noc Rrokut!
Milionat dhe lobistët nuk i bëjnë më punë. As diplomatët e kapur e të blerë nuk e ndihmojnë dot më.
Edi Rama është tashmë më i qartë se kurrë. Më 11 Maj, qytetarët shqiptarë do ti japin atë çka ai ka 12 vite që e meriton; Noc Rrokun dora vetë!
