Kryeministri Edi Rama ka publikuar në rrjetet sociale një video nga Shkodra, e cila tashmë është përfshirë nga atmosfera e festave.
Krahas videos me drita të Shkodrës, Rama u tregon qytetarëve se sa e rëndësishme është që të votojnë PS.
“Dhe thonë pastaj disa ç’rëndësi ka vota. Ja pra që ka rëndësi, sa lezet ka Shkodra”, shkruan Rama.
Kujtojmë se kryetar Bashkie i Shkodrës është Benet Beci, i cili kandidoi në zgjedhje nën siglën e Partisë Socialiste. Është hera e parë që nga rrëzimi i komunizmit, që Shkodra drejtohet nga një kryetar bashkie i dalë nga PS-ja.
