Kryeministri Rama gjatë fjalës së tij në Kongresin Elektoral të PS-së ka folur për zgjedhjet e 18 qershorit dhe për opozitën. Ai është shprehur se zgjedhjet do të mbahen më 18 qershor dhe nuk ka dyshime për këtë. Ndlur te opozita ai u shpreh se kjo e fundit zgjodhi politikën e inatit. “Ata nuk duan proçes zgjedhor të lirë dhe të ndershëm, ata nuk e kanë hallin te droga edhe pse duken sikur pijnë hashash gjithë ditën, dhe as te krimi. Hallin e kanë te divorci me gjykatësin e korruptuar, me frikën e hapjes së dosjeve. Vetë e zgjodhën politikën e inatit, le të vuajnë tani. Mua nuk më bëhet vonë sa pishman do të bëhen” – tha ai.
Rama gjithashtu shprehu se do dëshironte t’i kishte në zgjedhje për t’i mundur kësaj here me rezultat më të thellë. Kryeministri u ndal edhe te zgjedhjet e 2009 dhe 2011, ku tregoi se atë çfarë PS i ofroi sot opozitës, ata nuk e kishin imagjinuar as në ëndrra asokohe./Opinion.al
