Ish-Kryeministri Sali Berisha ka reaguar me shpejtësi ndaj disa fotove që u shpërndanë në fillim nga Lapsi.al dhe më pas nga të gjitha portalet, ku shihet Arben Ndoka në fushatën e Dibrës.
Berisha tha se Arben Ndokën me kandidatin e Dibrës i bashkon trafiku.
Ish-Kryeministri postoi të njëjtën foto që Lapsi.al e shiti për ekskluzive…
Arben Ndoka shfaqet në fushatën për zgjedhjen e kryetarit të Bashkisë së Dibrës. Ndoka ka zhvilluar takime me drejtues të fushatës së kandidatit socialist Muharrem Rama dhe të afërm të tij, në zonën e Maqëllarës.
Ai ka udhëtuar në disa pjesë të kësaj zone me makinat e fushatës së M. Ramës, shkruan Lapsi.
Nga opozita Arben Ndoka u akuzua në zgjedhjet e 2013-ës se ushtroi presion ndaj komisionerëve. Ai nuk u zgjodh deputet direkt, por u fut pas lënies së mandatit nga Mimi Kodheli. PD e akuzoi se ai dhe Rama detyruan përmes kërcënimesh dy gra që ishin në listë pas Kodhelit që të mos e pranonin mandatin. Arben Ndoka nuk mban zyrtarisht asnjë detyrë në PS. As në atë të Lezhës.
