Kryeministri Edi Rama po zhvillon në qytetin e Vlorës, takimin përmbyllës së fushatë së zgjedhjeve lokale.
Rama u shpreh se kjo prani e jashtëzakonshme e qytetarëve në takim nuk është thjesht mbështetja që ju i jepni kandidatëve dhe PS por është mesazhi që i jepni gjithë Shqipërisë.
“Shumë faleminderit. Kjo është një pamje e Vlorës që meriton fjalët e përjetshme ‘Vlorën edhe Vlorën, thelp e kam në zëmër, ditën e kam dritë, natën e kam ëndërr. Po këtu kemi bërë takimin përmbyllës të fushatës së dy viteve më parë dhe e mbaj mend atë takim duke e kujtuar se i kisha parë të gjitha por me ç’po shoh s’kam parë gjë akoma. Kjo prani e jashtëzakonshme këtu nuk është thjesht mbështetja që ju i jepni Pëllumbit, Dritanit, mua, PS por është mesazhi që i jepni gjithë Shqipërisë për ditën e diel. Çdo shqiptar nga Tropoja në Konispol, nga Shkodra në Gjirokastër, nga Kukësi në Fier duhet ta dëgjojë mesazhin e kryeqytetit të historisë së shqiptarëve. Çdo burrë e çdo grua. Çdo vajzë e çdo djalë që fjalën e parë e ka pasur nënë duhet sot ta harrojë nëse është socialist apo demokrat dhe duhet të dëgjojë zërin e historisë që kërkon historinë. Zërin e qytetit të pavarësisë që kërkon lirinë dhe demokracinë , zërin e Vlorës së shpresës dhe ëndrrave që kërkon që çdo kush qytetar i këtij vendi të mundi dhe të fundosë njëherë e mirë Shqipërinë e vjetër të frikës dhe kërcënimeve”, deklaroi Rama./ Opinion.al E.Xh.
