Mëngjesin e kësaj të premteje, kryeministri Edi Rama ka publikuar disa pamje nga vizita e një dite më parë të Sekretarit Amerikanë të Shtetit në Tiranë, Antony Blinken.
Në pamjet shihen momentet nga mbërritja e avionit në Rinas dhe deri në largimin e Blinkenit. Në videon e postuar nga Rama në rrjetet sociale, shihen pamjet edhe brenda zyrës së tij, teksa shkëmben dhurata me sekretarin Blinken.
“Mirëmëngjes dhe me disa momente në para e prapaskenë me Sekretarin e Shtetit, ju uroj një ditë të mbarë”- shkruan Rama.
