Kryeministri Edi Rama ka prezantuar platformën për bashkëqeverisjen me qytetarët. Shefi i qeverisë tha se ky mekanizëm nuk është një faqe me shumë në internet, por përforcon demokracinë dhe institucionet.
Rama: Nuk është një faqe më shumë në internet, nuk është një portal larg qoftë, nuk është as një mekanizëm si të tjerët deri më sot, por është një mekanizëm i ri për ti dhënë mundësi atyre që duan të marrin pjesë aktive në qeverisje që ta realizojnë atë duke u regjistruar dhe duke e shfrytëzuar këtë mekanizëm për ato aspekte që ne kemi përfshirë në përmbajtjen e kësaj platforme dhe për të bërë sugjerime. Ky mekanizëm e përforcon më shumë demokracinë dhe forcon më shumë vetë institucionet dhe Kuvendin e Shqipërisë të paktën sa na takon ne dhe rolit që kemi në Kuvend.
Rama duke shpjeguar funksionin, tha se ky mekanizëm nuk anashkalon mekanizmat kushtetues.
Rama: Ky mekanizëm nuk anashkalon asnjë mekanizëm kushtetues, por i jep në dorë çdo njeriu që ka një akses në interent në telefon apo në kompjuter për të qenë pjesë e procesit të bashkëqeverjes.
Rama sqaroi me hollësi të gjitha kategoritë e kësaj platform, duke theksuar që ky duhet të jetë miku më i madh i qytetarëve në politikë.
