Kryeministri Rama e konsideron Samitin e Berlinit një takim me përfundime inkurajuese, jo vetëm për Shqipërinë, por për gjithë rajonin.
Këtë mëngjes, ai ka postuar një video nga përfundimi i takimit, ku duket që ndahet përzemërsisht me kancelaren Angela Merkel dhe presidentin francez Emmanuel Macron.
“Me pamjet e mbrëmjes së vonë, dje pas një dite të gjatë me përfundime inkurajuese, mbi sfidat e vendit e të rajonit dhe procesin e paqes përfundimtare mes Kosovës e Serbisë, ku tanimë ka një angazhim të shtuar të Gjermanisë e të Francës, ju uroj një ditë të mbarë”, shkruan Rama.
https://www.facebook.com/edirama.al/videos/428055787956257/
Dje në Berlin Edi Rama pati edhe një takim kokë me kokë me Angela Merkel. Sipas burimeve nga Samiti, negociatat për Shqipërinë do të shtyhen për në vjeshtë, pas zgjedhjeve të Parlamentit Europian.
Nga njëra anë është Franca që nuk dëshiron të merret me çështjen e zgjerimit të BE-së para zgjedhjeve dhe nga ana tjetër Angela Merkel duhet të marrë vendimin pas miratimit të Bundestagut gjerman. Nga CDU kanë konfirmuar afati kohor që nga publikimi i raportit të progresit të BE-së, më 29 maj deri në samitin e BE-së në qershor nuk mjafton për të marrë një vendim për çeljen e negociatave./Opinion.al
