Kryeministri Edi Rama është shprehur se po vazhduam të respektojmë masat, Shqipëria do të dalë shumë shpejtë nga situata e krijuar nga koronavirusi.
Teksa iu referohet shifrave të fundit, kryeministri thekson në rrjetet sociale se ka pasur një rënie të ndjeshme të të infektuarve me COVID-19.
Postimi i Ramës
? SHUMË E RËNDËSISHME: FALË MASAVE TË SHPEJTA E TË FORTA DHE REZISTENCËS SUAJ TË SHKËLQYER, 10 DITËT E FUNDIT KEMI RËNIE GRADUALE TË SHTRIMEVE NË MJEDISET SPITALORE COVID?
*Ky tregues që e has shumë pak, për të mos thënë fare në vendet e tjera nën agresion, ku mbingarkesa e spitaleve po vjen si haraç për vonesat në marrjen e masave, na thotë qartë se e para, po bëjmë gjënë e duhur; e dyta, duhet të vazhdojmë kështu, me durim të madh, sepse armikun e kemi pas çdo porte; e treta; po vazhduam kështu do të dalim më shpejt fitimtarë se shumë të tjerë, më të mirë, më të fortë dhe me kokën lart përpara brezave që vijnë nga kjo sfidë historike?/ Opinion.al
