Ish-kryeministri Sali Berisha, në një prononcim për mediat, pas përfundimit të mbledhjes së deputetëve në Kryesinë e PD, ka thënë se Rama po përgatit atentatin më të rëndë ndaj pluralizmit politik.
“Ka të dhëna se ai po përgatit atentatin më të rëndë në historinë 32-vjeçare të pluralizmit politik shqiptar. Po përgatitet të marrë përsipër përdorimin e votave për t’i emëruar opozitës përfaqësuesin e saj. Opozita është e vendosur të qëndrojë në të drejtën e saj si opozitë dhe në mbrojtje të opozitarizmit. Në mbrojtje të votës të të gjithë atyre që votuan kundër kësaj qeverie. Në mbledhje u diskutuan dhe çështje të tjera. Ramë në ujdi për të gjitha qëndrimet dhe mund t’ju them se ishte një mbledhje shumë e frytshme”, tha Berisha.
Ndërsa u pyet nga gazetarët për reformën zgjedhore, Berisha deklaroi se, “kemi në dorë, raportonin e OSBE-ODHIR, e cili si kurrë më parë pikë të parë ka ndëshkimin e dhunimit të zgjedhjeve. Kemi specialistët më të mirë në këtë fushë, dhe kjo nuk i pëlqen Edi Ramës”.
Pyetje: Kur thoni se Edi Rama po përcakton përfaqësuesit e opozitës, e keni fjalën për zëvendësimin e Gazment Bardhit nga e dërguara e Bashës?
Berisha: Nga Edi Rama që nuk njeh ligj, kod moral, kushtetutë, asnjë norma, në këtë aspekt them që është i aftë të propozojë çdo vendim, Interesi i tij është pushteti absolut.
