TIRANË- Rama justifikohet me moton “po bëj shtet” përballë pakënaqësive në rritje brenda Partisë Socialiste. Kështu u shpreh Arben Ristani sot teksa arguemntoi se askush nuk e beson këtë dhe askush nuk beson se punësimet në shtet bëhen pa mik.
Ai solli në vemendje një letër konfidenciale që zëvendësdrejtori i përgjithshëm burgjeve, Bledar Skenderi, ia drejton Edi Ramës. Kjo letër është zbardhur muaj më parë nga media. Zyrtari i burgjeve i ankohet Ramës në këtë letër se LSI ka bërë pjesën më të madhe të emërimeve në burgje, dhe sipas tij, PS është mbrapa në këtë drejtim. Ai i sugjeron Ramës që Partia Socialiste duhet të marrë nën drejtim burgun e Fierit pasi aty ka 700 vende pune.
Sipas Sekretarit të Përgjithshëm të PD, ky zyrtar është fytyra e vertetë e shtetit që po bën Edi Rama. “Një shtet që trajtohet si plaçkë që ndahet mes aleatëve si tortë e pushtetit”, shprehet ai. “Kjo është një tjetër arsye për të marrë pjesë ne protestën e të enjtes para parlamentit”, tha Ristani.
