Ditën e sotme kryeministri Edi Rama ka zhvilluar disa takime në Përmet. Nëpërmjet një postimi në rrjetet sociale, kreu i qeverisë ka përshkruar ditën që ka kaluar në Përmet si “një ditë të bukur dhe me një nur të veçantë”.
“Ishte ditë e bukur falë Përmetit, që ka marrë një nur të veçantë (normal që ka kaluar 60 mijë turistë deri tani dhe hotelet e bujtinat plot), falë punëve të bukura të Almës dhe Denisave të saj, bisedave me përmetarët, qytetarëve fisnikë që na u bashkuan në takimin e madh pasdite apo në mbrëmjen frymëzuese me Krenaritë e Komunitetit që mbylli ditën e gjatë”, shkruan Rama në Facebook.
Përmes një videoje, Kryeministri Rama ka përshëndetur grupin e asamblesë socialiste të Përmetit dhe të Këlcyrës.
“Padyshim edhe falë grupit të asamblesë socialiste të Përmetit e Këlcyrës, që e përshëndes me këtë video për gjithë socialistët e zonës, përfshirë edhe ata Tepelenës: Tërmeti, tërmeti, po ky është Përmeti se ka tërmet, po ka edhe Përmet. Publiciteti i tërmetit, Alma e Përmetit. Apo jo?”, shprehet Kryeministri Rama.
