Kryeministri Edi Rama ka folur për Ushtrinë Çlirimtare të Kosovës dhe procesin ndaj ish krerëve të UÇK-së, Hashim Thaçi, Kadri Veseli e Jakup Krasniqi.
Sipas Ramës, ata po mbahen peng prej gati 5 vjetësh, në qelitë e një gjykate ndërkombëtare, e cila në çdo hap ka zhgënjyer këdo që ka pritur prej saj virtytet e shtetit të së drejtës.
“Sot që jemi të gjithë këtu, në Kuvendin ku u shpall dhe u firmis pavarësia e Kosovës, Thaçi, Veseli, Krasniqi, Selimi mbahen peng prej gati 5 vjetësh, në qelitë e një gjykate ndërkombëtare, e cila në çdo hap ka zhgënjyer këdo që ka pritur prej saj virtytet e shtetit të së drejtës. Ajo që unë nuk vij dot deri këtu në Prishtinë të marr fjalën dhe ta gëlltis në heshtje, në mungesë të Hashimit dhe Kadriut, është nyja e mbledhur në fyt se ai proces është një proces i parregulltë ligjor.
Nuk rrit dot pa ua thanë çudinë time për faktin që në këtë sallë nuk është ndërmarrë asnjëherë një nismë përmes një rezolute, për të gjitha vendet financuese të asaj gjykate, shqetësimin e madh për standardet e atij procesi. Gjykata është e pavarur, por standardet nuk janë të varura nga gjykatësit”, tha Rama.
