Kryeministri Edi Rama foli dhe për pensionet në Asamblenë e Zgjeruar të PS-së në Pogradec.
Kreu i qeverisë theksoi se numri i pensionistëve është shumë më i lartë se ai i punonjësve të shtetit.
Lidhur me rritjen e pensioneve, Rama deklaroi se për momentin qeveria “kaq mundësi ka”, sa i përket kësaj shtrese.
“Unë e di shumë mirë që për pensionistët nuk do mjaftojë dot asnjëherë ajo që ne bëjmë në raport me ata që bëjnë. Por në mënyrë transparente këto janë mundësitë dhe këto janë shifrat. Kemi një numër të lartë pensionistësh krahasimisht me numrin e punonjësve të shtetit dhe për këtë arsye edhe rritja e pensioneve është me e ngadalte. Duke pasur parasysh që nëse ka një gropë që ne nuk e kemi mbyllur ende është gropa e krijuar nga mungesa e kontributeve shoqërore. Se kollaj është sot të thuash se gjyshi apo babai ka një pension të ulët, por duhet të pyesësh veten që unë kam paguar kontribute që gjyshi apo babai të ketë një pension të mirë? Përgjigjja është jo”, tha Rama.
