Kryeministri Rama i është kundërpërgjigjur me një status në fb Ministrit të LSI-së, Lefter Koka, i cili e ditën e djeshme hodhi akuza të forta ndaj Partisë Socialiste, duke thënë se po përdorin eksponentë të Policisë për të deformuar rezultatin e zgjedhjeve. Rama ka postuar në profilin e tij në fb vlerësimin e fundit të bërë nga Komisioni Europian për Policinë e Shtetit. Përkatësisht anketën e KE për indeksin e besimit te institucionet, e posaçërisht te policia e Shtetit.
“Pas anketimit të bërë disa muaj më parë nga Komisioni Europian, POLICIA E SHTETIT konfirmohet përsëri si institucioni më i besuar i shqiptarëve në Indeksin e Besimit tek Institucionet” shkruan Rama,
duke e shoqëruar postimin me grafikun përkatës dhe shprehjet e njohura të tij, “Rilindje, Shqipëria e Gjeneratës Tjeter dhe Qente le të lehin, karvani ecen përpara”.
