Kryeministri Edi Rama ka paralajmëruar thellimin e përplasjeve me LSI-në gjatë fushatës elektorale. Duke folur në emisionin “Top Story”, Rama preferoi ta quajë “garë pak të tensionuar” dhe kjo situatë sipas tij është krijuar për shkak se të treja partitë po kërkojnë të dalin të parat.
“Është një garë reale dhe parashikoj se do të shkojë duke u intensifikuar dhe mbase pak e tensionuar sepse jemi të gjithë në kërkim të një mandati, dikush kërkon të jetë forcë e parë, ndërkohë që për ne forca e parë është e padiskutueshme por po kërkojmë një mandat të plotë.
Kemi patur një koalicion që për mendimin tim ka qenë shumë i rëndësishëm pasi na duhej të bënim reforma të mëdha”, tha Rama.
Rama komentoi edhe mosarritjen e një marrëveshje me LSI për koalicionin.
“Të gjitha formulat e mia për të mbyllur koalicionin në kohë nuk funksionuan. LSI ka pritur gjithnjë momentin e fundit dhe në momentin e fundit gjërat erdhën ashtu siç erdhën dhe tani jeni në garë secili në korsinë e tij”, deklaroi Basha.
