Kryeministri Edi Rama deklaroi sot se do të mbyllen të gjitha agjencitë doganore në vend, të cilët kanë qindra të punësuar. Mënyra se si i paraqiti Kryeministri këta punonjës (si sekser) të lë përshtypjen se ata punojnë në “të zezë”. Por nuk është kështu. Agjencitë doganore funksionojnë prej vitesh në bazë të legjislacionit shqiptar dhe konkretisht Kodit Doganor. Në nenin 30 të këtij ligji thuhet se “Agjentët Doganorë janë të licensuar nga Drejtoria e Përgjithshme e Doganave.
Po sipas ligjit, agjentët janë persona që autorizohen nga bizneset për të kryer veprime në dogana. Vetem ata që merren me biznes e dinë se çfarë do të thotë të zhdoganosh mallra në doganat tona. Kësisoj agjentët doganorë kanë shërbyer si hallkë mes biznesit dhe Doganës për të lehtësuar punën e bizneseve të cilët solloraten me ditë të tëra në dyert e doganave, për shkak të burokracisë dhe moskorrektesës së doganiereve.
Gjithsesi Kryeministri paralajmëroi sot se nuk do të ketë më agjent doganorë, por ende nuk dihen ndryshimet ligjore që do bëhen për të formalizuar urdhërin e tij. /Opinion.al
Lexo deklaraten e Rames: Video/ Rama ofendon agjentët doganorë: Do i spastrojmë brenda 100 ditëve ata zhabulanë
*Më poshtë Kodi Doganor ku flitet për licencimin e agjentëve
