Kryeministri, Edi Rama, në një postim në rrjetet sociale, ka publikuar pullën postare të shtetit shqiptar të emetuar sot, me logo të 15-vjetorit të Pavarësisë së Kosovës.
“Kjo është pulla e emetuar sot nga Posta Shqiptare”, shkruan Rama në Facebook, teksa ka postuar edhe disa foto të pullës postare.
Sot edhe Shteti i Kosovës gjithashtu ka emetuar një pullë të ngjashme postare, me rastin e 15 vjetorit të Pavarësisë.
Kjo e premte shënon 15 vjet nga shpallja e pavarësisë së Kosovës. Në orën 15:28 të 17 Shkurtit të 2008, Kuvendi i Kosovës e shpalli atë shtet sovran të pavarur./Opinion.al
