TIRANË- Kryeministri Edi Rama tha sot se qeveria do ta japë me koncension mbledhjen e TVSH-së. Edhe pse ka pasur shumë kritike, duket se Rama është i vendosur për tia dhënë këtë shërbim privatit. “Ne po përpiqemi dhe bëjmë çmos të mos e stresojmë biznesin”, tha duke shtuar se “kemi ndryshuar taktikë sepse tani jemi në një fazë tjetër. Kemi një tru elektronik në tatime që bën gjithë mbledhjen e xhirove dhe që jep alarm kur ka devijime. Do ta zgjerojmë këtë tru elektronik edhe me partneritetin për interesin publik për mbledhjen e tvsh”.
Sipas tij, sjellja në biznes duhet të ndryshojë: “Të mëdhenjtë nuk mund ti përdorin më të vegjlit dhe ti abuzojnë për të shfryrë në mënyrë të paligjshme paranë”. /Opinion.al/
