Kryeministri Edi Rama në konferencën e përbashkët me Presidentin e Ukrainës, Volodymyr Zelensky i bëri thirrje shteteve të pasura që të ndihmojnë Ukrainën.
Ai theksoi se disa shtete pretendojnë se ndalja e dhënies së armëve do të sjellë paqe. Por sipas Ramës, lufta nuk ndalet duke çarmatosur viktimën.
“Shqipëria është një anëtare krenare edhe pse e vogël e NATOs. Së bashku me aleatet dhe partnerët tanë kemi dënuar agresionin dhe kemi bërë gjithçka kemi mundur dhe do vazhdojmë të bëjmë për të ndihmuar Ukrainën me te gjitha mjetet.
Jemi të vetëdijshëm për kapacitete tona dhe jemi të ndërgjegjshëm që ajo për të cilën ka Ukraina është mbështetja e të gjithave, por para se gjithash mbështetja e më të mëdhenjve dhe më të pasurve.
E shohim me shqetësim që kjo mbështetje ndonjëherë ngecet sepse Ukraina shndërrohet në çështje të politikës së brendshme të një vendi apo tjetër, apo se ndodhin vonesa burokratikë.
Nëse demokracitë kanë procedurat e tyre dhe demokracitë janë më të vështira dhe më komplekse për të punuar dhe për të sjellë rezultate nga ana tjetër kemi një agresor që nuk ndalet së goditur.
Shumë njerëz në mbarë Evropën që deklarojnë se ti japësh Ukrainës për të mbrojtur kombin e vet është ajo çka po nxit vazhdimësinë e luftës. Ata pretendojnë se ndalja e dhënies së armëve do të sjellë paqe. Kjo është jo vetëm cinike, por edhe absurde. Nuk e ndal luftën duke çarmatosur viktimën, por e ndal luftën duke ndalur agresorin”, tha Rama.
