Kryeministri Edi Rama nuk është aspak i zakonshëm, sidomos kur vjen puna te veshja e tij. Kombinimi i mes kostumit dhe atleteve, ishte një nga ato gjëra që shkaktoi shumë reagime, pasi Rama ka thyer edhe kode veshjeje duke zgjedhur atë kombinim.
Por duket se shprehja “qielli është limiti”, përshatet më së miri për kryeministrin tonë, dhe gustot e tij në të veshur. Gjatë takimit me ministrat që po zhvillohet në Velipojë, Edi Rama është paraqitur me kombinimin më të cmendur të mundshëm, tuta sportive dhe këmishë klasike.
Nga mesi e lartë, këmisha është e përshtatshme, e zezë, e thjeshtë. Nga mesi e poshtë, shohim tuta sportive, të ngushta poshtë dhe të ngritura mbi pulpë. Shoqëruar me çorape të kuqe, sigurisht dhe atlete.
