Kryeministri Edi Rama, i ftuar në “Top-Story” ditën e sotme tha se në PS nuk kandiduar asnjë kriminel.
Rama tha se dëshmitë e penalitetit të kandidatëve në zgjedhjet e 2013-s kanë qenë të pastra.
“Asnjë deputet i PS-së nuk është kriminel. Të gjitha dëshmitë e penalitetit janë të pastra. Po të kthehesha pas, përsëri do t’i kandidoja të njëjtit njerëz”, tha Rama.
Duke folur për Prengën, Rama tha se edhe nëse Gjykata e shpall të pafajshëm, ai nuk do të rikthehet në Parlament.
“Në PS nuk kanë vend deputetët që gjuajnë me vezë, dhe jo më Armando Prenga që bëri atë që bëri. Ai nuk kthehet më në PS-së”, tha Rama.
