Kryeministri Edi Rama ka theksuar gjatë një daljeje për mediat lidhur me ndryshime kushtetuese për procesin zgjedhor, se koalicionet politike në zgjedhje nuk do të ndalohen, por thjesht po synohet të bëhet një përmirësim në funksionim e tyre.
I pyetur nga gazetarët lidhur me qëndrimet e tij ndryshe në të shkuarën dhe ndryshe sot, mbi këtë argument, Rama tha: Ndërkohë çdo gjë është e përmirësueshme, edhe qeveria është e përmirësueshme, prandaj bëhen zgjedhjet. Kështu që ne po bëjmë një përmirësim. Pse atëhere kështu pse sot ashtu mund ta diskutojmë, por thelbi nuk është ky. Nëse Basha mendon se në pushtet vihet me formula dhe rrugë, që nuk kalojnë nga vota e qytetarëve, thjesht dhe vetëm të përgatitet për humbjen tjetër.
Nuk mendoj se në shoqërinë tonë gjërat ndahen me formula, ndahen tek mejdani. Nëse PD është e pandshme nga ajo që deri dje Lulzim Basha e quante shpk e Monikës, nuk i ndalon kush të jenë bashkë. Me Monikën, me Nard Ndokën me Fate Mediun, askush nuk i ndalon. Shqiptarët do të kenë mundësinë, jo vetëm të shohin se kush është grupi, por t’i japin votën atij që i pëlqen”./Opinion.al
