Kryeministri Rama nuk e mbështet shkëmbimin e territoreve mes Kosovës dhe Serbisë deklaroi kreu I Lëvizjes Vetëvendosje, Albin Kurti.
Në një intervistë për ABC News, Kurti tha se gjatë “një ndeshjeje miqësore 5 orëshe” me Ramën, fundit I kishte thënë se nuk e mbështet shkëmbimin e territoreve dhe për këtë ai e beson.
“Kishim një takim 5 orësh, kishim një ndeshje miqësore 5 orëshe, e cila u ndërpre për 45 minuta kur erdhi Depardie. Më pas ne vazhduam për temat e rëndësishme për Shqipërinë e Kosovën e të dyja bashkë.
Kryeministri nuk e mbështet shkëmbimin e territorit, territori nuk është mall për shkëmbim. Besoj se pavarësisht me kryeministrin e Shqipërisë mund të kemi dallime e të përbashkëta jonë na imponojnë që të bashkëpunojmë si dy qeveri më mirë. Ashtu më tha dhe ashtu dua dhe më duhet të besoj”.
Kurti paralajmëroi një traktat mes Shqipërisë dhe Kosovës për të zëvendësuar marrëveshjet për bashkëpunim strategjik. Ai theksoi se kufiri mes dy vendeve duhet të bëhet sa më irrelevant duke nisur me lëvizjen e lirë të mallrave dhe bashkimin ekonomik.
“Le të mos harrojmë që kryeministri Rama fqinjin jugor dhe lindor të shqiptarëve e njeh më mirë por fqinjin verior unë e njoh më mirë kështu që jemi komplementarë. Të dy shtetet tona kanë detyrë që kufirin ta bëjnë sa më irrelevant. Ka ardhur koha që të bëjmë lëvizjen e lirë dhe bashkimin ekonomik. Të kalojmë nga marrëveshja për bashkëpunim strategjik ën një traktat” tha ndër të tjera Kurti. /Opinion.al
