Përgjigja e saktë për identitetin e Mc Kreshës në lojën “Të Panjohurit” i siguroi kryeministrit Rama 900 Euro. Tani ka ardhur momenti për të panjohurën e tretë të kuicit të së “Dielës Shqiptare” në Tv Klan, Marçela Latin e cila nis menjëherë me prezantimin.
Mes 7 alternativave të mbetura, kryeminstri është i sigurt se Marçela nuk është një specialiste për qifqi. Madje ai është aq i sigurt sa thotë se do të japë edhe dorëheqjen nga qeveria nëse alternativa rezulton të jetë e vërtetë.
Marçela Lati: Unë jam Marçela Lati, vij nga Tirana, por ama jam mbesë Vunoi.
Edi Rama: Sa e ke temperaturën? Se për vunjotsit thonë që temperaturën e kanë 38 atë 36.6 që kanë të tjerët.
Ardit Gjebrea: Vërtet?
Edi Rama: Po, se kanë shumë temperament dhe kanë gjakun që iu vlon.
Ardit Gjebrea: Mendon që do të të ndihmojë për identitetin e saj?
Edi Rama: Të shohim.
Ardit Gjebrea: Ku je për Marçelën?
Edi Rama: Marçela mund të ketë stiluar veshje.
Ardit Gjebrea: Dikur stilonte veshje.
Edi Rama: Po. E sigurtë që nuk bën qifqi njëherë, kjo është e sigurtë.
Ardit Gjebrea: Pse? Nga Vunoi nuk ka lidhje me qifqi. E lidh me zonën. Ka aplikuar udhëtim në hënë?
Edi Rama: Jo.
Ardit Gjebrea: Specialiste për qifqi?
Edi Rama: Nuk bën, nuk ka shans. Në qoftë se del që është specialiste për qifqi, unë dorëzohem, iki.
Ardit Gjebrea: Vërtetë?
Edi Rama: Po. Iki. Po iki fare edhe nga qeveria, jo nga emisioni.
Ardit Gjebrea: Çfarë thua?
Edi Rama: Imagjino tani disa njerëz…
Ardit Gjebrea: Atë po mendoja.
Edi Rama: Imagjino sa njerëz, “ishalla, po bëj moj qifqi!”
Kryeministri Rama zgjedh alternativën “fluturon mbi ujë” për Marçelën, e cila rezulton të jetë e pavërtetë./tvklan.al
