Kryeministri Edi Rama ka vazhduar sulmin ndaj medias, duke i cilësuar edhe mbrëmjen e sotme si kazan.
Përmes një fotoje të postuar në Facebook, Rama përdor taksat për t’i bërë një “fact check” konkluzioneve të supozuara të mediave.
Kryeministri sjell në vëmendje taksën e biznesit të vogël, ku thotë se ndryshe nga katër vite më parë, tani ajo është zero, ndërsa fton ndjekësit e tij në rrjetin social të dalin e të pyesin në një dyqan afër shtëpisë së tyre nëse kjo që thotë është e vërtetë.
Sot, Rama i vuri në gojë kazanit frazën: “Taksat janë rritur.” Por, është treguar më i kujdesshëm në përgjigjen e tij, që e kanalizon drejt taksës së një sektori, konkretisht binzesit të vogël.
Për të dytën mbrëmje radhazi, kryeministri zgjodhi të sulmojë mediat.
