TIRANE- Kryetari i parlamentit, Ilir Meta është parë të vizitojë selinë e Qeverisë vetëm disa minuta pasi u njoftua në media ndryshimi i dy ministrave në kabinetin qeveritar.
Konkretisht shkarkimi i Shkëlqim Canin dhe zëvendësimi i tij me Arben Ahmetajt dhe emërimi i Milva Ikonomit në vend të Ahmetajt tek Ekonomia.
A është konsoltuar Rama me Metën për këto ndryshime? Kjo ende nuk dihet.
Ajo që dihet dhe shihet është se Meta ka shkuar në Kryeministri pasi Rama i ka bërë lëvizjet. Një pyetje tjetër që kërkon përgjigje është se: A ishte Meta dakord me këto ndryshime? Kohë më parë ai është shprehur se ka nevojë për impulse të reja në qeveri, por a ishte largimi i Canit edhe në dëshirën e Metës?
Ajo çfarë është thënë nën zë është se Ilir Meta ka kërkuar largimin e ministrit të Brendshëm, Saimir Tahiri, ndërsa për Shkëlqim Canin zakonisht ai është shprehur pozitiv.
Gjithsesi dita e sotme do të jetë e mbushur me komente e analiza rreth këtyre lëvizje dhe Opinion.al do t’ju informojë në vazhdimësi.
Ndryshime në Qeveri, ikën ministri i Financave, Shkëlqim Cani
Profil/Kush është Milva Ikonomi, gruaja që do drejtojë Ekonominë
